छत्रपती शिवाजी महाराज महाराजस्व समाधान शिबिर – पहूर महसूल मंडळ.

छत्रपती शिवाजी महाराज महाराजस्व समाधान शिबिर – पहूर महसूल मंडळ.

दिनांक: २८ मे २०२५ | ठिकाण: चंदन मंगल कार्यालय, पहूर

मुख्य संपादक शांताराम झाल्टे जामनेर 

छत्रपती शिवाजी महाराज महाराजस्व समाधान शिबिर अभियानाअंतर्गत दिनांक २८ मे २०२५ रोजी पहूर महसूल मंडळाचे समाधान शिबिर चंदन मंगल कार्यालय, पहूर येथे मोठ्या उत्साहात पार पडले. नागरिकांना विविध शासकीय सेवा व योजनांचा एकाच छताखाली लाभ मिळावा, या उद्देशाने या शिबिराचे आयोजन करण्यात आले होते.

शिबिरामध्ये २५ विभागांचे एकूण ३८ स्टॉल्स उभारण्यात आले होते. विविध विभागांमार्फत ७०१ नागरिक व लाभार्थ्यांना खालीलप्रमाणे प्रत्यक्ष लाभ देण्यात आला:

• पी. एम. किसान लाभार्थी - Land Data Seeding: ७ लाभार्थी

• तालुका कृषी अधिकारी कार्यालयामार्फत सेवा: ८२ लाभ

• पुरवठा शाखा लाभ: ५८ लाभ

• सेतू केंद्रामार्फत दिलेले लाभ: ४५ लाभ

• संजय गांधी योजना (DBT प्रक्रिया): ५०७ लाभ

नागरिकांच्या समाधानाचा सूर:

या शिबिराचे विशेष वैशिष्ट्य म्हणजे प्रत्येक विभागाचे प्रमुख व संबंधित कर्मचारी एकाच ठिकाणी उपलब्ध होते, यामुळे नागरिकांना विविध कार्यालयांत चकरा मारण्याची गरज भासली नाही. तक्रारींवर तात्काळ सुनावणी व मार्गदर्शन होऊन समाधानकारक निर्णय देण्यात आले. यामुळे नागरिकांनी खूप मोठ्या प्रमाणात समाधान व्यक्त केले.

नागरिकांनी व्यक्त केलेल्या समाधानाचे काही ठळक मुद्दे:

• “योजनेचा लाभ प्रत्यक्ष मिळाल्याने वेळ आणि पैसा दोन्हीची बचत झाली.”

• “याच ठिकाणी सर्व विभागांचे अधिकारी उपलब्ध असल्यामुळे अर्जांची प्रक्रिया सोपी झाली.”

• “पूर्वी महिन्याभर लागणारी कामे एका दिवसात झाली.”

• “शासनाचा हा उपक्रम खरोखरच जनतेसाठी उपयुक्त ठरतो आहे.”

शिबिराची सुरुवात तहसीलदार जामनेर श्री. नानासाहेब आगळे यांच्या प्रास्ताविकाने झाली. त्यांनी उपस्थितांना विविध शासकीय योजनांविषयी माहिती दिली व सर्वांनी त्याचा लाभ घ्यावा, असे आवाहन केले.

या प्रसंगी पहूर ग्रामपंचायतीचे सरपंच, उपसरपंच, माजी जिल्हा परिषद सदस्य व माजी पंचायत समिती सदस्य उपस्थित होते. त्यांच्या मार्गदर्शनामुळे आणि पाठबळामुळे शिबिर अधिक प्रभावी ठरले.

या उपक्रमामुळे शासन आणि नागरिक यांच्यातील संवाद अधिक दृढ होऊन, योजनांची अंमलबजावणी गतीमान व पारदर्शक होत असल्याचे चित्र दिसून आले.