पहूर येथे श्री क्षेत्र संगमेश्वर महादेव मंदिरात महाशिवरात्रीनिमित्त भव्य यात्रोत्सवांचे आयोजन .!
पहूर येथे श्री क्षेत्र संगमेश्वर महादेव मंदिरात महाशिवरात्रीनिमित्त भव्य यात्रोत्सवांचे आयोजन .!
जलसंपदामंत्री नामदार गिरीश महाजन यांच्या हस्ते माहिती पत्रकाचे प्रकाशन !
मुख्य संपादक/शांताराम झाल्टे
पहूर , ता . जामनेर ( ता . १६ ) जामनेर तालुक्यातील पहूर येथे शेंदुर्णी मार्गावर देवळी आणि गोगडी या पवित्र नद्यांच्या संगमावर वसलेल्या श्रीक्षेत्र संगमेश्वर महादेव मंदिरात महाशिवरात्री निमित्त भव्य यात्रोत्सवाचे आयोजन करण्यात आले असून संगीतमय शिवमहापुराण कथा व अखंड हरिनाम संकीर्तन सप्ताहास शनिवार दिनांक २२ फेब्रुवारी पासून प्रारंभ होणार आहे .
श्री क्षेत्र संगमेश्वर महादेव मंदिर हे जागृत देवस्थान असून पंचक्रोशीतील भाविकांचे श्रद्धास्थान आहे . सप्ताहाचे यंदाचे २० वे वर्ष असून ह भ प उखाजी महाराज खराटे मुक्ताईनगर यांच्या सुश्राव्य वाणीतून संगीतमय शिव महापुराण कथा पारायण होणार आहे .
सौ . प्रमिला सुरेश राऊत यांच्यातर्फे संगीतमय शिवमहापुराण कथेची सेवा आयोजित केली आहे .
२२ फेब्रुवारी रोजी दुपारी एक वाजता संगीतमय शिव महापुराण कथेस प्रारंभ होणार आहे . १ मार्चपर्यंत सप्ताहाचे आयोजन असून ह भ प पंढरीनाथ महाराज कोऱ्हाळा बाजार , ह भ प शांताराम महाराज शेंदुर्णी , ह भ प अश्विनीताई महाराज पहूर , ह भ प बाबुराव महाराज पहूर , ह भ प विष्णुदास महाराज चिंचखेडे , ह भ प ज्ञानेश्वर महाराज चिंचखेडा , ह भ प फकीरा महाराज जामनेर यांचे दररोज रात्री हरि कीर्तन होणार आहेत . ह भ प रमेश महाराज लोंढरी यांच्या काल्याच्या कीर्तनाने सप्ताहाची सांगता होणार असून भंडाऱ्याचा कार्यक्रम आयोजित करण्यात आला आहे .
_महाशिवरात्री यात्रोत्सव -_
सालाबाद प्रमाणे यंदाही मोठ्या उत्साहात बुधवार दि .२६ फेब्रुवारी रोजी महाशिवरात्रीच्या शुभ- पर्वावर छत्रपती शिवाजी महाराज मैदानावर भव्य यात्रोत्सव आयोजित करण्यात आला आहे .
यशस्वीतेसाठी सर्व ग्रामस्थांनासह पंचक्रोशीतील भाविकांचे सहकार्य लाभत आहे . सर्व धार्मिक कार्यक्रमांचा परिसरातील भाविकांनी लाभ घेण्याचे आवाहन क्षेत्र संगमेश्वर महादेव मंदिर ट्रस्टचे अध्यक्ष तथा पुजारी शिवभक्त रंगनाथ महाराज , उपाध्यक्ष प्रदीप लोढा , सचिव हरिभाऊ राऊत यांच्यासह सर्व विश्वस्त , ग्रामस्थ , भाविकांनी केले आहे .
